Տորոնտո․ Աշխարհի առաջին ռակետը դուրս մնաց պայքարից

Աշխարհի առաջին ռակետ Իգա Շվյոնտեկը չկարողացավ դուրս գալ Կանադայի Տորոնտո քաղաքում անցկացվող WTA-1000 մրցաշարի քառորդ եզրափակիչ։

Լեհ թենիսիստուհին մրցեց աշխարհի 24-րդ ռակետ, բրազիլացի Բեատրիս Հադադ-Մայայի հետ եւ պարտություն կրեց 4:6, 6:3, 5:7 հաշվով։ Պայքարը տեւեց 3 ժամ եւ 1 րոպե։

Բեատրիս Հադադ-Մայայի հաջորդ մրցակիցը կլինի Շվեյցարիայի ներկայացուցիչ Բելինդա Բենչիչը, որը պայքարից դուրս է թողել իսպանացի Գարբինիե Մուգուրուսային՝ 6:1, 6:3։

Տորոնտոյի մրցաշարի մրցանակային հիմնադրամը 2,5 միլիոն դոլար է։

Well, well, well...

Haddad Maia takes the first set against World No.1 Swiatek 6-4!#NBO22 pic.twitter.com/Svg4ZOxOYI

— wta (@WTA) August 11, 2022