Դիեգո Կոստան կվերադառնա Իսպանիայի առաջնություն

21:11   11 օգոստոսի, 2022

Իսպանիայի հավաքականի, «Չելսիի» եւ Մադրիդի «Աթլետիկոյի» նախկին հարձակվող, բրազիլացի Դիեգո Կոստան կվերադառնա Իսպանիայի առաջնություն։

33-ամյա ֆուտբոլիստը մեկ տարվա պայմանագիր կկնքի «Ռայո Վալիեկանոյի» հետ, որի կազմում հանդես է եկել նաեւ 2011-2012 թվականների մրցաշրջանում։ Դիեգո Կոստան մեկ մրցաշրջանի համար կստանա 1,5 միլիոն եվրո, հաղորդում է Marca-ն։ Կողմերը հնարավորություն կունենան հաջորդ ամռանը եւս մեկ տարով երկարաձգել պայմանագիրը։

Դիեգո Կոստայի նախորդ ակումբը բրազիլական «Աթլետիկո Մինեյրոն» էր, որտեղից հեռացել է այս տարի եւ ունի ազատ գործակալի կարգավիճակ։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։