Արկադի Դվորկովիչ․ Քիչ հավանական է, որ այս անգամ Կարլսենը փոխի որոշումը
14:27 9 օգոստոսի, 2022Շախմատի միջազգային ֆեդերացիայի (ՖԻԴԵ) նախագահ Արկադի Դվորկովիչը հույս է հայտնել, որ աշխարհի չեմպիոն, նորվեգացի Մագնուս Կարլսենը կվերադառնա շախմատային թագի համար պայքար։
Կարլսենը հրաժարվել է հավակնորդների մրցաշարի հաղթող, ռուսաստանցի Յան Նեպոմնյաշչու հետ երկրորդ անգամ մասնակցել չեմպիոնական մրցամարտին։ Անցած տարի Կարլսենը հաղթել էր Նեպոմնյաշչուն՝ պաշտպանելով տիտղոսը։
«Քիչ հավանական է, որ այս անգամ Կարլսենը փոխի որոշումը, բայց ես կարծում եմ՝ լավ հնարավորություն կա, որ նա կվերադառնա որոշակի դադարից հետո։
Կարլսենը կշարունակի հանդես գալ մրցաշարերում, կայծակնային մրցաշերում, կոմերցիոն մրցումներում։ Նա մասնակցեց Օլիմպիադային, չի հեռանում շախմատից, ի տարբերություն Ֆիշերի»,- Դվորկովիչի խոսքը մեջբերում է tass.ru-ն։
Հաջորդ տարի Յան Նեպոմնյաշչին աշխարհի չեմպիոնի տիտղոսը կվիճարկի հավակնորդների մրցաշարում երկրորդ տեղը գրաված չինացի Դին Լիրենի հետ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։