Հայաստանը՝ Համաշխարհային օլիմպիադայի փոխչեմպիոն

Շախմատի Հայաստանի հավաքականը նվաճեց Հնդկաստանի Չենայ քաղաքում անցկացված Համաշխարհային օլիմպիադայի փոխչեմպիոնի կոչումը՝ վաստակելով 19 միավոր։ 

Չեմպիոնի տիտղոսն առաջին անգամ նվաճեց Ուզբեկստանի հավաքականը, որը վերջին տուրում 2,5:1,5 հաշվով պարտության մատնեց Նիդեռլանդների հավաքականին եւ նույնպես վաստակեց 19 միավոր։ Ուզբեկստանի թիմի առաջատարն արագ շախմատի աշխարհի չեմպիոն, 17-ամյա Նոդիրբեկ Աբդուսատորովն է։

Երրորդ տեղեը գրավեց Հնդկաստանի երկրորդ թիմը՝ 18 միավոր։

Վերջին տուրում Հայաստանի հավաքականը մրցեց Իսպանիայի թիմի հետ եւ առավելության հասավ 2,5:1,5 հաշվով։ Առաջատար Գաբրիել Սարգսյանը սպիտակ ֆիգուրներով մրցեց Ալեքսեյ Շիրովի հետ եւ հաղթանակի հասավ 49-րդ քայլին։ Մանուել Պետրոսյանը ոչ ոքի խաղաց Դավիդ Անտոն Գուիխարոյի, Ռոբերտ Հովհաննիսյանը՝ Խայմե Սանտոս Լատասայի հետ։ Հրանտ Մելքումյանը ոչ ոքի խաղաց Ֆրանսիսկո Վալիեխո Պոնսի հետ։ 

Gabriel Sargissian beats Alexei Shirov and gives Armenia a boost toward the pedestal. #ChessOlympiad pic.twitter.com/4sEkGRZkKi

— International Chess Federation (@FIDE_chess) August 9, 2022

Նախորդ 4 տուրերում Գաբրիել Սարգսյանը հաղթել էր ամերիկացի Ֆաբիանո Կարուանային, հնդիկ Պենտալա Հարիկրիշնային, ադրբեջանցի Շահրիյար Մամեդյարովին, ոչ ոքի խաղացել ուզբեկ Նոդիրբեկ Աբդուսատորովին։

What a finish for Armenia's #ChessOlympiad super-hero Gabriel Sargissian, who scores 4.5/5 in his last five games: https://t.co/pFvCL9wb7R #c24live pic.twitter.com/35VMU2HhVl

— chess24.com (@chess24com) August 9, 2022

Նախորդ տուրերում Հայաստանի հավաքականը հաղթել էր Մադագասկարին (4:0), Անդորրային (3:1), Եգիպտոսին (2,5:1,5), Ավստրիային (3:1), Անգլիային (2,5:1,5), Հնդկաստանի երկրորդ թիմին (2,5:1,5) եւ գլխավոր հավաքականին (2,5:1,5), Ադրբեջանին (3:1), ոչ ոքի խաղացել ԱՄՆ-ի հետ, պարտվել Ուզբեկստանին (1:3):

Հայաստանի հավաքական

 Գաբրիել Սարգսյան (2698), Հրանտ Մելքումյան (2634), Սամվել Տեր-Սահակյան (2625), Մանուել Պետրոսյան (2610) եւ Ռոբերտ Հովհաննիսյան (2591)։ Գլխավոր մարզիչ՝  Արման Փաշիկյան։ Հայաստանի թիմը 2642 միջին վարկանիշով 12-րդն էր։

Հիշեցնենք, որ Հայաստանի հավաքականը Համաշխարհային օլիմպիադայի եռակի չեմպիոն է (2006, 2008, 2012), եռակի բրոնզե մեդալակիր (1992, 2002, 2004)։

Կանանց Հայաստանի հավաքականը վերջին տուրում 2,5:1,5 հաշվով հաղթեց խորվաթներին եւ 16 միավորով գրավեց 10-րդ տեղը։ Չեմպիոնի տիտղոսը նվաճեց Ուկրաինան (18 միավոր), փոխչեմպիոն դարձավ Վրաստանը (18)։ 

Congratulations to Uzbekistan on winning the 44th #ChessOlympiad in Chennai! https://t.co/4cbhK0WbnY#c24live pic.twitter.com/z2AlYobhpi

— chess24.com (@chess24com) August 9, 2022

Jakhongir Vakhidov grabs the win that seems to win #ChessOlympiad gold medals for Uzbekistan! https://t.co/4cbhK0WbnY #c24live pic.twitter.com/lvfbInaNo3

— chess24.com (@chess24com) August 9, 2022

Congratulations to Ukraine on winning the Women's #ChessOlympiad for the first time since 2006! https://t.co/zCtOasdgza #c24live pic.twitter.com/UZhgRgie0Q

— chess24.com (@chess24com) August 9, 2022

The final standings in the #ChessOlympiad Open section — beyond the medalists, India 1 took 4th, top seeds USA took 5th, and 48th seeds (!) Moldova finished 6th after beating England in the final round! https://t.co/pntQGDkVNC #c24live pic.twitter.com/3sPmwlkqgF

— chess24.com (@chess24com) August 9, 2022