Օլիմպիադա․ Հայաստանի թիմը մեծ առավելությամբ հաղթեց ադրբեջանցիներին

Հնդկաստանի Չենայ քաղաքում ավարտին մոտեցող շախմատի Համաշխարհային օլիմպիադայի նախավերջին տուրում Հայաստանի հավաքականը մրցեց Ադրբեջանի թիմի հետ եւ հաղթեց մեծ առավելությամբ՝ 3:1:

Ռոբերտ Հովհաննիսյանը սպիտակ ֆիգուրներով 51-րդ քայլին պարտության մատնեց Նիջաթ Աբասովին։

Գաբրիել Սարգսյանը սեւ ֆիգուրներով 67 քայլում հաղթեց Շահրիյար Մամեդյարովին։ Հրանտ Մելքումյան - Գադիր Գուսեյնով, Մանուել Պետրոսյանը - Վասիֆ Դուրարբայլի պարտիաներն ավարտվեցին ոչ ոքի։

Հայաստանի եւ Ուզբեկստանի հավաքականները 17-ական միավորով կիսում են առաջին տեղը։ 

Հայաստանի հավաքականը նախորդ տուրերում հաղթել է Մադագասկարին (4:0), Անդորրային (3:1), Եգիպտոսին (2,5:1,5), Ավստրիային (3:1), Անգլիային (2,5:1,5), Հնդկաստանի երկրորդ թիմին (2,5:1,5) եւ գլխավոր հավաքականին (2,5:1,5), ոչ ոքի խաղացել ԱՄՆ-ի հետ, պարտվել Ուզբեկստանին (1:3):

Օլիմպիադայի ավարտին մնացել է մեկ տուր։

Uzbekistan and Armenia are tied in 1st place before the final round and Uzbekistan have a healthy tiebreak lead. India 2 and USA are a point behind #ChessOlympiad pic.twitter.com/ndzWh2r2KV

— chess24.com (@chess24com) August 8, 2022