Ժոան Լապորտա․ Բրեյթուեյթն ու Ումտիտին հասկացել են, որ հիմա լավագույնը կլինի այլ թիմում խաղալը

12:09   8 օգոստոսի, 2022

«Բարսելոնայի» նախագահ Ժոան Լապորտան խոսել է թիմի դանիացի հարձակվող Մարտին Բրեյթուեյթի եւ պաշտպան Սամուել Ումտիտիի ապագայի մասին։

«Բրեյթուեյթն ու Ումտիտին հասկացել են, որ հիմա լավագույնը կլինի այլ թիմում խաղալը։ Ֆուտբոլիստների պայմանագրերը միշտ հարգել ենք, բայց հիմա ժամանակն է, որ նրանք առաջ քայլ կատարեն»,- Լապորտայի խոսքը մեջբերում է AS-ը։

31-ամյա Բրեյթուեյթը 2020թ․ փետրվարին է «Լեգանեսից» տեղափոխվել «Բարսելոնա», որի կազմում անցկացրել է 57 հանդիպում, խփել 10 գոլ, կատարել 5 գոլային փոխանցում։

28-ամյա Ումտինին 2016-ին ֆրանսիական «Լիոնից» է տեղափոխվել «Բարսելոնա»։ Ֆրանսիայի հավաքականի կազմում աշխարհի չեմպիոն դարձած ֆուտբոլիստը կատալոնական թիմում մասնակցել է 133 հանդիպման, խփել 2 գոլ, կատարել 1 գոլային փոխանցում։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։