Էրլինգ Հոլանդը Պրեմիեր լիգայում նորամուտը 2 գոլով նշած երկրորդ խաղացողն է «Մանչեսթեր Սիթիի» պատմության մեջ

23:06   7 օգոստոսի, 2022

Անգլիայի չեմպիոն «Մանչեսթեր Սիթիի» նորեկ Էրլինգ Հոլանդը ակումբի պատմության մեջ դարձավ երկրոդ ֆուտբոլիստը, որը նորամուտը Պրեմիեր լիգայում նշեց երկու գոլով, հաղորդում է Opta Sports-ը։

Առաջինը եղել էր արգենտինացի հարձակվող Սերխիո Ագուերոն 2011 թվականին «Սուոնսի Սիթիի» դեմ խաղում։ «Մանչեսթեր Սիթին» հաղթել էր 4:0 հաշվով։

Նորվեգացի հարձակվողի դուբլի շնորհիվ կատալոնացի Խոսեպ Գվարդիոլայի գլխավորած թիմը օգոստոսի 7-ին Լոնդոնում 2:0 հաշվով հաղթել է «Վեստ Հեմին»։

Հիշեցնենք, որ Սերխիո Ագուերոն սրտի խնդիրների պատճառով անցած տարի ավարտել է ֆուտբոլիստի կարիերան։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։