ՉԼ․ «Փյունիկը» պարտվեց «Ցրվենա Զվեզդային»՝ 0:5
00:43 4 օգոստոսի, 2022Չեմպիոնների լիգայի որակավորման երրորդ փուլի առաջին խաղում Հայաստանի չեմպիոն «Փյունիկը» Սերբիայի մայրաքաղաք Բելգրադում հյուրընկալվեց «Ցրվենա Զվեզդային»։ Եղիշե Մելիքյանի գլխավորած թիմը պարտություն կրեց 0:5 հաշվով։
Դաշտի տերերի կազմում հեթ-տրիկի հեղինակ դարձավ Գանան ներկայացնող հարձակվող Օսման Բուկարին, աչքի ընկան նաեւ զամբիացի կիսապաշտպան Քինգզ Կանգվան եւ սերբ կիսապաշտպան Ստեֆան Միտրովիչը։ Բուկարիի մեկ գոլն էլ մրցավարը չգրանցեց VAR-ի կիրառումից հետո։
Պատասխան հանդիպումը Երեւանում տեղի կունենա օգոստոսի 9-ին։
Այս զույգի հաղթողը որակավորման փլեյ-օֆֆ փուլում կհանդիպի «Մաքաբի Հայֆա» (Իսրայել) - «Ապոլոն Լիմասոլ» (Կիպրոս) զույգի հաղթողի հետ։
Որակավորման երրորդ փուլից դուրս մնացած թիմերը պայքարը կշարունակեն Եվրոպայի լիգայի որակավորման փլեյ-օֆֆում։
«Ցրվենա Զվեզդա» - «Փյունիկ» զույգի պարտվողը կմրցի Չեմպիոնների լիգայի որակավորման երրորդ փուլի «Շերիֆ Տիրասպոլ» (Մոլդովա) - «Վիկտորիա Պլզեն» (Չեխիա) զույգի պարտվողի հետ։
Եվրոպայի լիգայի որակավորման փուլի փլեյ-օֆֆի հանդիպումները տեղի կունենան օգոստոսի 18-ին եւ 25-ին։
Չեմպիոնների լիգա, որակավորման երրորդ փուլ, առաջին հանդիպում
«Ցրվենա Զվեզդա» - «Փյունիկ»՝ 5:0
Օսման Բուկարի, 29, 44, 70, Քինգզ Կանգվա, 33, Ստեֆան Միտրովիչ, 77
Հեռացում՝ Միլան Ռոդիչ («Ցրվենա Զվեզդա»), 90, երկրորդ դեղին քարտ
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.