Ֆուտբոլի Հայաստանի չեմպիոն «Փյունիկը» Բելգրադում օգոստոսի 3-ին կանցկացնի Չեմպիոնների լիգայի որակավորման երրորդ փուլի առաջին հանդիպումը սերբական «Ցրվենա Զվեզդայի» դեմ։ Երեւանյան թիմի գլխավոր մարզիչ Եղիշե Մելիքյանը հրապարակել է մեկնարկային կազմը։
«Փյունիկ»․ Դավիթ Յուրչենկո, Զամբրանո Ռենցո Ժոզե, Հովհաննես Հարությունյան, Յուսուֆ Օտուբանջո, Լուկա Յուրիչիչ, Դավիթ Դավիդյան, Եվգենի Կուչուկ, Ժունինյո, Զորան Գայիչ, Արտակ Դաշյան, Միխայիլ Կովալենկո։
«Ցրվենա Զվեզդա» - «Փյունիկ» հանդիպումը կմեկնարկի Երեւանի ժամանակով 22:45-ին։
Սերբիայի չեմպիոն «Ցրվենա Զվեզդայի» արգելքը հաղթահարելու դեպքում, «Փյունիկը» փլեյ-օֆֆ փուլում կհանդիպի «Մաքաբի Հայֆա» (Իսրայել) - «Ապոլոն Լիմասոլ» (Կիպրոս) զույգի հաղթողի հետ։
Որակավորման երրորդ փուլից դուրս մնացած թիմերը պայքարը կշարունակեն Եվրոպայի լիգայի որակավորման փլեյ-օֆֆում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։