Տեն Հագը քննադատել է հանդիպման ավարտից շուտ ստադիոնից հեռացած ֆուտբոլիստներին
15:42 3 օգոստոսի, 2022Անգլիական «Մանչեսթեր Յունայթեդի» հոլանդացի գլխավոր մարզիչ Էրիկ տեն Հագը քննադատել է ֆուտբոլիստներին, որոնք իսպանական «Ռայո Վալիեկանոյի» հետ ընկերական հանդիպման ավարտից շուտ հեռացել էին «Օլդ Տրաֆորդ» ստադիոնից։
Ֆուտբոլիստների թվում էր եղել նաեւ 37-ամյա պորտուգալացի հարձակվող Կրիշտիանու Ռոնալդուն, որը մասնակցել էր առաջին խաղակեսին, իսկ հանդիպման ավարտից 8 րոպե առաջ նրան նկատել էին ստադիոնից հեռանալիս։
«Շատ խաղացողներ էին հեռացել խաղի ավարտից շուտ։ Ես դեմ եմ դրան։ Դա անընդունելի է։ Մենք թիմ ենք, միասնական ամբողջություն, եւ յուրաքանչյուրը պետք է մնա մինչեւ ավարտը»,- Տեն Հագի խոսքը մեջբերում է Metro-ն։
«Մանչեսթեր Յունայթեդ» - «Ռայո Վալիեկանո» հանդիպումն ավարտվել էր ոչ ոքի՝ 1:1:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։