Հայաստանի 2 աթլետ Կոլումբիայում կմասնակցի աշխարհի երիտասարդական առաջնությանը
21:31 29 հուլիսի, 2022Արտաշատցի եռացատկորդ Գոռ Հովակիմյանը և կապանցի հեռացատկորդ Գոռ Բեգլարյանը կմասնակցեն Կոլումբիայի Կալի քաղաքում օգոստոսի 1-6-ն անցկացվելիք աթլետիկայի աշխարհի երիտասարդական առաջնությանը։
Նրանք նախապատրաստվել են Ֆրանսիայում՝ տեղի աթլետիկայի ֆեդերացիայի հովանավորությամբ և հուլիսի 30-ին մրցավայր կմեկնեն կապանցի մարզիչ Արտյոմ Պողոսյանի գլխավորությամբ, հաղորդում է ՀԱՕԿ-ի կայքը: Նրանց Կոլումբիայում կդիմավորի Հայաստանի աթլետիկայի ֆեդերացիայի նախագահ Ռոբերտ Էմմիյանը:
Հայաստանի հավաքականի անդամներ Լևոն Աղասյանը, Յանա Սարգսյանը և Մարիետա Մինասյանը մարզիչ Արսեն Պետրոսյանի գլխավորությամբ երկշաբաթյա հավաք կանցկացնեն Ֆրանսիայում։
Կապանցի եռացատկորդ Լևոն Աղասյանը կմեկնի Մյունխեն, որտեղ օգոստոսի 15-ին կմեկնարկի Եվրոպայի առաջնությունը։ Հայաստանն այդ առաջնությունում կներկայացնի նաեւ վազորդ Երվանդ Մկրտչյանին (1500 մետր):
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։