Օլիմպիադա․ Հայաստանի հավաքականը հաղթեց Մադագասկարի թիմին՝ 4:0
19:19 29 հուլիսի, 2022Հնդկաստանի Չենայ քաղաքում մեկնարկած շախմատի Համաշխարհային օլիմպիադայի առաջին տուրում Հայաստանի հավաքականը պարտության մատնեց Մադագասկարի թիմին` 4:0։
Չորս պարտիաներում հաղթանակ տարան Հրանտ Մելքումյանը (2634), Սամվել Տեր-Սահակյանը (2625), Մանուել Պետրոսյանը (2610) եւ Ռոբերտ Հովհաննիսյանը (2591)։
Արման Փաշիկյանի գլխավորությամբ տղամարդկանց թիմի առաջատարը Գաբրիել Սարգսյանն (2698) է։ Հայաստանի թիմը 2642 միջին վարկանիշով 12-րդն է։
Կանանց Հայաստանի հավաքականը առաջին տուրում մրցել էր Բոթսվանայի թիմի հետ եւ առավելության հասել 4:0 հաշվով։
Զավեն Անդրիասյանի գլխավորությամբ Հայաստանի թիմում խաղացին Էլինա Դանիելյանը (2441), Աննա Սարգսյանը (2378), Մարիամ Մկրտչյանը (2285) եւ Սուսաննա Գաբոյանը (2270)։
Հավաքականում ընդգրկված է նաեւ Լիլիթ Մկրտչյանը (2362), որը երկրորդ համարն է։
Կանանց Հայաստանի թիմը 2367 միջին վարկանիշով 9-րդն է։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։