WTA 250․ Էլինա Ավանեսյանը հաղթահարել է որակավորման փուլը եւ կխաղա Մարտինա Տրեւիզանի հետ

09:42   18 հուլիսի, 2022

Ռուսաստանցի Էլինա Ավանեսյանը հաղթահարել է Իտալիայի Պալերմո քաղաքում անցկացվող WTA 250 շարքի մրցաշարի որակավորման փուլը։ Հիմնական մրցաշարի առաջին շրջանում 19-ամյա հայ թենիսիստուհու մրցակիցը կլինի 28-ամյա իտալացի Մարտինա Տրեւիզանը, որն այս մրցաշարում ստացել է առաջին համարը։

Համաշխարհային դասակարգման աղյուսակում Էլինա Ավանեսյանը 133-րդն է, Մարտինա Տրեւիզանը՝ 26-րդը։

Որակավորման փուլում Էլինա Ավանեսյանը հաղթել է 22-ամյա իտալացի Նուրիա Բրանկաչոյին եւ 26-ամյա բրազիլացի Կարոլինա Ալվեսին։

Պալերմոյի մրցաշարի մրցանակային հիմնադրամը 203 հազար եվրո է։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։