Օլիմպիական խաղերի 7-ակի եւ աշխարհի 13-ակի չեմպիոնն ավարտեց կարիերան
14:11 16 հուլիսի, 2022Ամերիկացի արագավազորդուհի, Օլիմպիական խաղերի 7-ակի եւ աշխարհի 13-ակի չեմպիոն, 36-ամյա Էլիսոն Ֆելիքսը հայտարարեց պրոֆեսիոնալ մարզական կարիերան ավարտելու մասին, հաղորդում է WorldAthletics-ը։
ԱՄՆ-ի Օրեգոն նահանգի Յուջին քաղաքում անցկացվող աշխարհի առաջնությունում Էլիսոն Ֆելիքսը ԱՄՆ-ի թիմի կազմում մասնակցեց 4x400 մետր խառը (կին, տղամարդ) փոխանցումավազքին եւ դարձավ բրոնզե մեդալակիր։ Աշխարհի առաջնություններում սա Էլիսոն Ֆելիքսի 19-րդ մեդալն էր։
Օլիմպիական խաղերում նա նվաճել է 11 մեդալ եւ ամենատիտղոսակիր կին աթլետն է պատմության մեջ։ Էլիսոն Ֆելիքսը հանդես էր գալիս 200 եւ 400 մետր վազքում, 4x100 եւ 4x400 մետր փոխանցումավազքերում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։