Ֆուտբոլի Կոնֆերենցիաների լիգայի որակավորման առաջին փուլի պատասխան խաղում «Ալաշկերտը» Մալթայում մրցեց «Համրունս Սպարտանսին» եւ պարտություն կրեց 1:4 հաշվով։
Դաշտի տերերը հասան կամային հաղթանակի։ Առաջինը հաջողության հասավ «Ալաշկերտը» 48-րդ րոպեին 32-ամյա պաշտպան Արտակ Եդիգարյանի խփած գոլի շնորհիվ, սակայն դրանից հետո «Համրունս Սպարտանսը» կարողացավ 20 րոպեում 4 գոլ խփել եւ դուրս գալ հաջորդ փուլ։
Երեւանում տեղի ունեցած առաջին խաղում «Ալաշկերտն» առավելության էր հասել 1:0 հաշվով։ Դարձյալ աչքի էր ընկել Արտակ Եդիգարյանը։
Կոնֆերենցիաների լիգա, որակավորման առաջին փուլ, պատասխան խաղ
«Համրունս Սպարտանս» (Մալթա) - «Ալաշկերտ» (Հայաստան)՝ 4:1 (առաջին խաղ՝ 0:1)
Ռոկո Պրշա, 55, Օգնեն Բիելիչիչ, 62, Ջոննի, 72, Աիլտոն Սուարեշ, 75 - Արտակ Եդիգարյան, 48
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։