«Մանչեսթեր Յունայթեդը» պատրաստ է 15 միլիոն եվրոյով վաճառել Ռոնալդուին

14:50   7 հուլիսի, 2022

Անգլիական «Մանչեսթեր Յունայթեդը» պատրաստ է 15 միլիոն եվրոյով վաճառել 37-ամյա պորտուգալացի հարձակվող Կրիշտիանու Ռոնալդուին, որը բոյկոտում է հոլանդացի Էրիկ տեն Հագի գլխավորած թիմի մարզումները եւ արձակուրդի ավարտից հետո չի վերադարձել Անգլիա, հաղորդում է twitter.com/brunoandrd-ը։ Նա անհատական մարզումներ է անցկացնում Պորտուգալիայում։

Transfermarkt-ը Ռոնալդուի տրանսֆերային արժեքը գնահատում է 30 միլիոն եվրո, սակայն քիչ հավանական է, որ որեւէ ակումբ կվճարի այդքան։

Առայժմ հայտնի չէ, թե որ ակումբն է ցանկանում ձեռք բերել Ռոնալդուին։ Նրա գործակալը բանակցում է Չեմպիոնների լիգայի ուղեգիր ունեցող մի քանի ակումբների հետ։

Ռոնալդուի պայմանագիրը «Մանչեսթեր Յունայթեդի» հետ նախատեսված է մինչեւ հաջորդ մրցաշրջանի ավարտը։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։