Ստեֆեն Քարիի խաղաշապիկը վաճառվել է 203 հազար դոլարով
10:46 7 հուլիսի, 2022Բասկետբոլի ազգային ասոցիացիայի չեմպիոն «Գոլդեն Սթեյթ Ուորիորսի» առաջատար Ստեֆեն Քարիի խաղաշապիկը վաճառվել է աճուրդում 203 330 դոլարով, հաղորդում է ESPN-ը։ Աճուրդն անցկացրել է Բասկետբոլի ազգային ասոցիացիան եւ ավարտվել է 101-րդ առաջարկով։
Այդ խաղաշապիկով Ստեֆեն Քարին մասնակցել է այս տարվա եզրափակիչ շարքի առաջին հանդիպմանը «Բոստոն Սելթիքսի» դեմ եւ սահմանել ռեկորդ՝ առաջին քառորդում կատարելով 6 երեքմիավորանոց նետում։ «Գոլդեն Սթեյթն» այդ խաղում պարտվել էր 108:120 հաշվով, սակայն եզրափակիչ շարքում առավելության հասավ 4:2 հաշվով։
Խաղաշապիկի ռեկորդային գինը 3,69 միլիոն դոլար է եւ պատկանում է «Լոս Անջելես Լեյքերսի» լեգենդար պաշտպան Կոբի Բրայանտին, որը մահացել է 2020թ․ հունվարի 26-ին ուղղաթիռի կործանման հետեւանքով։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։