«Բարսելոնայի» նախագահ․ Դեմբելեն չի ընդունել մեր առաջարկը

19:12   6 հուլիսի, 2022

Ֆրանսիացի հարձակվող Ուսման Դեմբելեն չի ընդունել «Բարսելոնայի» առաջարկը, սակայն դեռ չի հրաժարվել բանակցություններից։ Այդ մասին հայտնել է կատալոնական ակումբի նախագահ Ժոան Լապորտան։ 25-ամյա ֆուտբոլիստի պայմանագիրը «Բարսելոնայի» հետ ավարտվել է հունիսի 30-ին։

«Հիմա անորոշ իրավիճակում ենք։ Հենց հիմա չենք կարող նոր խաղացողների հետ պայմանագրեր կնքել, քանի որ ֆինանսական արդար խաղի կանոնների հետ կապված խնդիր ունենք։ Ֆուտբոլիստներին խնդրում ենք սպասել։

Ուսման Դեմբելեն արդեն «Բարսելոնայի» խաղացող չէ, բայց մեզնից առաջարկ է ստացել։ Նա այն չի ընդունել, բայց ցանկություն է հայտնել շարունակել բանակցությունները»,- Լապորտայի խոսքը մեջբերում է ակումբի մամուլի ծառայությունը։

Դեմբելեի հետ պայմանագիր կնքելու ցանկություն ունեն նաեւ Լոնդոնի «Չելսին» ու Մյունխենի «Բավարիան»։

Անցած մրցաշրջանում Դեմբելեն «Բարսելոնայի» հետ մասնակցել է 32 հանդիպման, խփել 2 գոլ, կատարել 13 գոլային փոխանցում։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։