35 երկիր միջազգային ֆեդերացիաներին հորդորել է հեռացնել Ռուսաստանին եւ Բելառուսին

10:41   6 հուլիսի, 2022

35 երկրների կառավարություններ համատեղ հայտարարությամբ դիմել են մարզաձեւերի միջազգային ֆեդերացիաներին՝ հորդորելով հեռացնել Ռուսաստանի եւ Բելառուսի համապատասխան ֆեդերացիաներին, հաղորդում է tass.ru-ն։ Պատճառը Ուկրաինայում շարունակվող պատերազմն է, որ սկսվել է փետրվարի 24-ին Ռուսաստանի զինված ուժերի ներխուժումից հետո։

«Ռուսաստանի եւ Բելառուսի մարզական ազգային գերատեսչություններն ու ֆեդերացիաները պետք է հեռացվեն միջազգային մարզական ֆեդերացիաներից»,- նշվում է ԱՄՆ-ի Պետքարտուղարության հաղորդագրությունում։

Փաստաթուղթը ստորագրել են ԱՄՆ-ի, Ավստրալիայի, Նոր Զելանդիայի, Ճապոնիայի, Հարավային Կորեայի, Կանադայի, Ավստրիայի, Բելգիայի, Մեծ Բրիտանիայի, Գերմանիայի, Հունաստանի, Դանիայի, Իռլանդիայի, Իսլանդիայի, Իսպանիայի, Իտալիայի, Կիպրոսի, Լատվիայի, Լեհաստանի, Լիտվայի, Լիխտենշտեյնի, Լյուքսեմբուրգի, Մալթայի, Նիդեռլանդների, Նորվեգիայի, Պորտուգալիայի, Ռումինիայի, Սլովակիայի, Սլովենիայի, Շվեդիայի, Ֆինլանդիայի, Ֆրանսիայի, Խորվաթիայի, Չեխիայի, Էստոնիայի կառավարությունները։

Ռուսաստանի եւ Բելառուսի մարզիկներն այժմ մասնակցում են որոշ մարզաձեւերի միջազգային մրցումների չեզոք կարգավիճակում, առանց դրոշի։ Թիմային մարզաձեւերում նրանց մասնակցությունն արդեն արգելվել է։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։