Իտալիայի փոխչեմպիոն Միլանի «Ինտերի» գլխավոր տնօրեն Ջուզեպե Մարոտան մեկնաբանել է Թուրինի «Յուվենտուսից» ազատ գործակալի կարգավիճակում հեռացած արգենտինացի հարձակվող Պաուլո Դիբալայի հետ պայմանագրի կնքման հավանականությունը։ Իտալական մամուլը գրել էր, որ «Ինտերը» համաձայնության է հասել Դիբալայի հետ։
«Դիբալան ազատ գործակալի կարգավիճակ ունեցող բազմաթիվ խաղացողներից մեկն է։ Իմ կարիերայում առաջին անգամ է այսքան շատ խաղացող առանց ակումբի։ Դիբալան տարբերակներից մեկն է, բայց պետք չէ մոռանալ, որ մեր հարձակման գծում արդեն հավաքված են համաշխարհային մակարդակի խաղացողներ։ Բայց ես մեծ հարգանքով եմ վերաբերվում Դիբալային»,- Մարոտայի խոսքը մեջբերում է Tuttomercatoweb-ը։
Հիշեցնենք, որ Լոնդոնի «Չելսիից» «Ինտեր» է վերադարձել բելգիացի հարձակվող Ռոմելու Լուկակուն, ինչը քիչ հավանական է դարձնում Դիբալայի միանալը միլանյան թիմին։
Նրա ծառայություններով հետաքրքրված են նաեւ Իտալիայի չեմպիոն «Միլանը», «Ռոման», անգլիական «Մանչեսթեր Յունայթեդն» ու «Արսենալը»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։