Թուրքիայի հավաքականի ֆուտբոլիստը միացավ «Ռոմային»

Ֆուտբոլի Թուրքիայի հավաքականի 25-ամյա աջ պաշտպան Զեկի Չելիկը ֆրանսիական «Լիլից» տեղափոխվեց «Ռոմա», հաղորդում է իտալական ակումբի մամուլի ծառայությունը։ Պայմանագիրը նախատեսված է մինչեւ 2027թ․ հունիս։

Հռոմեական ակումբը ֆուտբոլիստի տրանսֆերի համար վճարել է 7 միլիոն եվրո։

Զեկի Չելիկն անցած մրցաշրջանում «Լիլի» հետ մասնակցել է 40 հանդիպման, խփել 3 գոլ, կատարել 3 գոլային փոխանցում։

Չելիկը 2018-ին թուրքական «Իստանբուլսպորից» էր տեղափոխվել «Լիլ» 1 միլիոն եվրոյի դիմաց։ Թուրքիայի հավաքականում Չելիկն անցկացրել է 32 հանդիպում, խփել 2 գոլ։

Transfermarkt-ը Չելիկի տրանսֆերային արժեքը գնահատում է 18 միլիոն եվրո։