Հայաստանի հավաքականը՝ Եվրոպայի փոքր երկրների չեմպիոն
22:19 3 հուլիսի, 2022Բասկետբոլի տղամարդկանց Հայաստանի հավաքականի հաղթանակով ավարտվեց Մալթայում անցկացված Եվրոպայի փոքր երկրների առաջնությունը։
Եզրափակիչում ամերիկահայ Ռեքս Կալամյանի գլխավորած թիմը 84։68 հաշվով պարտության մատնեց Մալթայի թիմին, որը կիսաեզրափակիչում 59։52 հաշվով հաղթել էր Ադրբեջանին։
Մալթայի թիմը հաղթեց միայն առաջին քառորդում՝ 19։15։ Երկրորդ քառորդ Հայաստանի հավաքականը հաղթեց մեծ առավելությամբ՝ 24։11։ Երրորդ քառորդ եւս հաղթեց Հայաստանի թիմը՝ 23։18։ Չորրորդ քառորդում Մալթայի թիմը հավասար պայքար մղեց, բայց պարտվեց 20։22 հաշվով։
Հանդիպման ամենաարդյունավետ խաղացող է ճանաչվել Քրիս Ջոնսը: Նա վաստակել է 41 միավոր, 10 անգամ տիրել օղակից անդրադարձող գնդակին և կատարել 6 արդյունավետ փոխանցում:
Հայաստանի թիմը կիսաեզրափակիչում մրցել էր Անդորրայի հավաքականի հետ եւ առավելության հասել 93։66 հաշվով։
Խմբային փուլում Հայաստանի հավաքականը 100։63 հաշվով պարտության էր մատնել Ջիբրալթարի հավաքականին, 78։66 հաշվով՝ Սան Մարինոյի թիմին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.