Անգլիայի փոխչեմպիոն «Լիվերպուլը» պայմանագիր կնքեց անգլիական «Ֆուլհեմից» տեղափոխված Պորտուգալիայի մինչեւ 21 տարեկանների հավաքականի 19-ամյա կիսապաշտպան Ֆաբիու Կարվալյուի հետ, հաղորդում է ակումբի մամուլի ծառայությունը։ Գերմանացի Յուրգեն Կլոպի գլխավորած թիմում նա հանդես կգա 28 համարի խաղաշապիկով։
Կարվալյուն Լիսաբոնի «Բենֆիկայի» սան է, «Ֆուլհեմի» համակարգում է 2014 թվականից։ Անգլիական Չեմպիոնշիփի ավարտված մրցաշրջանում Կարվալյուն մասնակցել է 36 հանդիպման, խփել 10 գոլ, կատարել 8 գոլային փոխանցում։ «Ֆուլհեմը» գրավել է առաջին տեղը եւ նվաճել Պրեմիեր լիգայի ուղեգիր։
Transfermarkt-ի տվյալներով՝ «Լիվերպուլը» Կարվալյուի տրանսֆերի համար վճարել է մոտ 6 միլիոն եվրո։
Fabio Carvalho has officially completed his move to #LFC
— Liverpool FC (@LFC) July 3, 2022
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։