«Մանչեսթեր Յունայթեդը» մտադիր չէ վաճառել Ռոնալդուին

«Մանչեսթեր Յունայթեդը» մտադիր չէ վաճառել 37-ամյա պորտուգալացի հարձակվող Կրիշտիանու Ռոնալդուին, թեեւ ստացել է մի քանի առաջարկներ այլ ակումբներից, հաղորդում է Sky Sports-ը։

Անգլիական մամուլը գրել էր, թե Ռոնալդուն մանչեսթերյան ակումբի ղեկավարությանը խնդրել է վաճառել իր տրանսֆերը, եթե լինեն տարբերակներ։ Նա ցանկանում է հանդես գալ Չեմպիոնների լիգայում, որի ուղեգիրը չի նվաճել «Մանչեսթեր Յունայթեդը»։

Անցած մրցաշրջանում Ռոնալդուն «Մանչեսթեր Յունայթեդի» հետ մասնակցել է 38 հանդիպման, խփել 24 գոլ, կատարել 3 գոլային փոխանցում։ Նրա պայմանագիրը նախատեսված է մինչեւ հաջորդ մրցաշրջանի ավարտը։