Ադամա Տրաորեն հեռացավ «Բարսելոնայից»

10:12   2 հուլիսի, 2022

Իսպանիայի հավաքականի հարձակվող Ադամա Տրաորեն հեռացել է Իսպանիայի փոխչեմպիոն «Բարսելոնայից», հաղորդում է կատալոնական ակումբի մամուլի ծառայությունը։ 26-ամյա ֆուտբոլիստն իսպանացի Չավիի գլխավորած թիմում խաղում էր վարձակալությամբ։ Ադամա Տրաորեն վերադարձել է «Վուլվերհեմփթոն», որին պատկանում է նրա տրանսֆերային իրավունքը։

Ադամա Տրաորեն այս տարվա հունվարին էր միացել «Բարսելոնային»՝ 20 խաղում խփելով 1 գոլ, կատարելով 4 գոլային փոխանցում։

Նա «Բարսելոնայի» սան է, ակումբային համակարգում է եղել 2004-2015-ին, այնուհետեւ հանդես է եկել անգլիական «Աստոն Վիլայում» եւ «Միդլսբրոյում»։ 2018-ից «Վուլվերհեմփթոնի» խաղացող է։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։