Լիվերպուլի «Էվերտոնի» եւ Բրազիլիայի հավաքականի հարձակվող Ռիշարլիսոնը բուժզննում է անցել Լոնդոնի «Տոտենհեմի» համար։
25-ամյա ֆուտբոլիստն այժմ գտնվում է Բրազիլիայում եւ բուժզննումն անցել է անգլիական ակումբի բժշկական շտաբի անդամի ներկայությամբ, հաղորդում է Sky Sports-ը։ Ռիշարլիսոնը Լոնդոն կժամանի հաջորդ շաբաթ եւ կկնքի պայմանագիր։
«Տոտենհեմը» Ռիշարլիսոնի տրանսֆերի համար «Էվերտոնին» կվճարի 50 միլիոն ֆունտ ստերլինգ, հնարավոր է նաեւ 10 միլիոն ֆունտ ստերլինգ բոնուս հետագայում։
Անգլիայի անցած առաջնությունում Ռիշարլիսոնը մասնակցել է 30 հանդիպման, խփել 10 գոլ, կատարել 5 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։