Ռաֆայել Նադալը գերազանցել է Մարտինա Նավրատիլովայի ցուցանիշը

Իսպանացի Ռաֆայել Նադալը գերազանցել է Մարտինա Նավրատիլովայի ցուցանիշը «Մեծ սաղավարտի» մրցաշարերում տարած հաղթանակների քանակով մենախաղում։

«Մեծ սաղավարտի» մրցաշարերի 22-ակի հաղթող Նադալը Ուիմբլդոնի մրցաշարի երրորդ շրջան դուրս գալու շնորհիվ մենախաղում հաղթանակների քանակը հասցրեց 307-ի։ «Մեծ սաղավարտի» մրցաշարերի 18-ակի հաղթող Մարտինա Նավրատիլովան տարել է 306 հաղթանակ մենախաղում։

Նադալից առաջ են «Մեծ սաղավարտի» մրցաշարերի 20-ակի չեմպիոն, շվեյցարացի Ռոջեր Ֆեդերերը, մենախաղում «Մեծ սաղավարտի» մրցաշարերի 23-ակի չեմպիոն, ամերիկացի Սերենա Ուիլյամսը եւ 20-ակի չեմպիոն, սերբ Նովակ Ջոկովիչը։

1. Ռոջեր Ֆեդերեր (Շվեյցարիա)` 369
2. Սերենա Ուիլյամս (ԱՄՆ)` 365
3. Նովակ Ջոկովիչ (Սերբիա)` 329
4. Ռաֆայել Նադալ (Իսպանիա)` 307
5. Մարտինա Նավրատիլովա (նախկին Չեխոսլովակիա/ԱՄՆ)` 306