Հայաստանի հավաքականը տարավ երկրորդ հաղթանակը եւ դուրս եկավ կիսաեզրափակիչ

20:01   30 հունիսի, 2022

Մալթայում անցկացվող բասկետբոլի տղամարդկանց Եվրոպայի փոքր երկրների առաջնությունում Հայաստանի հավաքականը տարավ երկրորդ հաղթանակը։

Ամերիկահայ Ռեքս Կալամյանի գլխավորած թիմը երկրորդ խաղում մրցեց Սան Մարինոյի հավաքականի հետ եւ առավելության հասավ 78։66 հաշվով։

Հանդիպման ամենաարդյունավետ խաղացող է ճանաչվել Անդրե Սպայթ Մկրտչյանը: Նա վաստակել է 25 միավոր, 4 անգամ տիրել օղակից անդրադարձող գնդակին եւ կատարել 3 արդյունավետ փոխանցում:

Հայաստանի թիմն առաջին տուրում 100։63 հաշվով պարտության էր մատնել Ջիբրալթարի հավաքականին։

Հայաստանի հավաքականը B խմբում գրավեց առաջին տեղը եւ դուրս եկավ կիսաեզրափակիչ, որը տեղի կունենա հուլիսի 2-ին։ Մրցակիցը հայտնի կդառնա A խմբի երկրորդ տեղը  եւ B խմբի երրորդ տեղը գրաված (Ջիբրալթար) թիմերի պայքարում։ A խմբում ընդգրկված են Անդորրայի, Մալթայի եւ Ադրբեջանի հավաքականները։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։