«Տոտենհեմը» համաձայնության է հասել Ռիշարլիսոնի հետ

11:50   30 հունիսի, 2022

Լոնդոնի «Տոտենհեմը» համաձայնության է հասել Լիվերպուլի «Էվերտոնի» եւ Բրազիլիայի հավաքականի հարձակվող Ռիշարլիսոնի տեղափոխության հարցում, հաղորդում է Sky Sports-ը։

Անգլիայի Պրեմիեր լիգայում չորրորդ տեղը գրաված եւ Չեմպիոնների լիգայի խմբային փուլի ուղեգիր նվաճած «Տոտենհեմն» ավարտել է բանակցությունները 25-ամյա ֆուտբոլիստի հետ անձնական պայմանագրի շուրջ։

«Էվերտոնը» մտադիր է գործարքն ավարտել հունիսի 30-ին՝ ֆինանսական տարվա վերջին օրը, որպեսզի ապահովի համապատասխանությունը Անգլիայի Պրեմիեր լիգայի ֆինանսական արդար խաղի կանոններին։

«Էվերտոնը» Ռիշարլիսոնի տրանսֆերից ակնկալում է առնվազն 60 միլիոն եվրո։

Անգլիայի անցած առաջնությունում Ռիշարլիսոնը մասնակցել է 30 հանդիպման, խփել 10 գոլ, կատարել 5 գոլային փոխանցում։ Նրա պայմանագիրը «Էվերտոնի» հետ նախատեսված է մինչեւ 2024թ․ հունիս։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։