Հավակնորդների մրցաշար․ Կարուանան երկրորդ պարտությունը կրեց, Նեպոմնյաշչին 1,5 միավոր առաջ է

Մադրիդում անցկացվող շախմատի աշխարհի չեմպիոնի հավակնորդների մրցաշարի 10-րդ տուրում ռուսաստանցի Յան Նեպոմնյաշչին սպիտակ ֆիգուրներով ոչ ոքի խաղաց ադրբեջանցի Թեյմուր Ռաջաբովի (4,5) հետ եւ 7 միավորով միանձնյա գլխավորում է մրցաշարային աղյուսակը։

Նա արդեն 1,5 միավոր առաջ է երկրորդ տեղում ընթացող ամերիկացի Ֆաբիանո Կարուանայից, որը երկրորդ պարտությունը կրեց։ Մրցակիցը լեհ Յան-Կշիշտոֆ Դուդան (4) էր, որը խաղում էր սպիտակ ֆիգուրներով։

5,5-ական միավոր ունեն նաեւ ամերիկացի Հիկարու Նակամուրան եւ չինացի Դին Լիրենը։ 10-րդ տուրում Նակամուրան սպիտակներով պարտության մատնեց Ֆրանսիայի ներկայացուցիչ Ալիռեզա Ֆիրուջային (4), Դին Լիրենը սեւերով ուժեղ էր հունգարացի Ռիչարդ Ռապորտից (4)։

Մրցաշարի ավարտին մնացել է 4 տուր։

Round 10 results increased the gap between the leader and the rest of the field: now Ian Nepomniachtchi is 1.5 points ahead!

Standings:
1. Nepomniachtchi - 7
2-4. Caruana, Nakamura, Ding - 5½
5. Radjabov - 4½
6-8. Duda, Rapport, Firouzja - 4

Four rounds to go! #FIDECandidates pic.twitter.com/a6RC7YmJck

— International Chess Federation (@FIDE_chess) June 29, 2022