«Յուվենտուսը» համաձայնության է հասել Դի Մարիայի հետ

18:02   29 հունիսի, 2022

Թուրինի «Յուվենտուսը» համաձայնության է հասել արգենտինացի կիսապաշտպան Անխել Դի Մարիայի հետ։ Ֆրանսիայի չեմպիոն ՊՍԺ-ից հեռացած եւ ազատ գործակալի կարգավիճակ ունեցող 34-ամյա ֆուտբոլիստը կկնքի մեկ տարվա պայմանագիր, հաղորդում է gianlucadimarzio.com-ը։

Դի Մարիան մեկ մրցաշրջանի համար կստանա 6 միլիոն եվրո, հնարավոր են նաեւ հավելավճարներ։ «Յուվենտուսը» գործարքի մասին կհայտարարի հաջորդ շաբաթ։

Դի Մարիան 2015-ին էր անգլիական «Մանչեսթեր Յունայթեդից» տեղափոխվել ՊՍԺ, որի կազմում անցկացրել է 197 հանդիպում, խփել 56 գոլ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։