«Մանչեսթեր Յունայթեդը» 40 միլիոն եվրո է առաջարկել «Այաքսի» պաշտպանի համար
14:42 29 հունիսի, 2022Անգլիական «Մանչեսթեր Յունայթեդը» 40 միլիոն եվրո է առաջարկել Նիդեռլանդների չեմպիոն «Այաքսի» եւ Արգենտինայի հավաքականի պաշտպան Լիսանդրո Մարտինեսի համար, հաղորդում է TyC Sports-ը։
24-ամյա ֆուտբոլիստին իր ղեկավարած թիմում է ցանկանում տեսնել մանչեսթերյան ակումբի նորանշանակ գլխավոր մարզիչ Էրիկ տեն Հագը, որի ղեկավարությամբ Լիսանդրո Մարտինեսը խաղացել է ամստերդամյան թիմում։ Ֆուտբոլիստի համար 40 միլիոն եվրո է առաջարկել նաեւ Լոնդոնի «Արսենալը»։
«Այաքսը» Լիսանդրո Մարտինեսը տրանսֆերից ակնկալում է 50 միլիոն եվրո։
Անցած մրցաշրջանում Լիսանդրո Մարտինեսն «Այաքսի» հետ բոլոր մրցաշարերում մասնակցել է 36 հանդիպման, խփել 1 գոլ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։