Ռոմելու Լուկակուն ժամանել է Միլան

11:05   29 հունիսի, 2022

Բելգիայի հավաքականի եւ Լոնդոնի «Չելսիի» 29-ամյա հարձակվող Ռոմելու Լուկակուն ժամանել է Միլան։ Նա բուժզննում կանցնի Իտալիայի փոխչեմպիոն «Ինտերում» եւ կկնքի մեկ տարվա վարձակալության պայմանագիր, հաղորդում է Sky Sports-ը։ 

«Շատ ուրախ եմ վերադառնալ «Ինտեր»»,- ասել է ֆուտբոլիստը Միլանի օդանավակայանում։

Լուկակուի մեկ տարվա վարձակալության համար «Չելսին» կստանա 8 միլիոն եվրո։ Հնարավոր է նաեւ 4 միլիոն եվրո բոնուս։ Լուկակուի աշխատավարձը միլանյան ակումբում կլինի 8 միլիոն եվրո։ «Չելսիում» նա ստանում էր տարեկան 12 միլիոն եվրո։

Անցած ամռանը «Չելսին» Լուկակուի տրանսֆերի համար վճարել էր 113 միլիոն եվրո։ Անցած մրցաշրջանում Լուկակուն գերմանացի Թոմաս Տուխելի գլխավորած թիմի հետ մասնակցել է 44 հանդիպման, խփել 15 գոլ, կատարել 2 գոլային փոխանցում։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։