Ալբերտ Վարդանյանը 7։0 հաշվով հաղթեց թուրք մրցակցին եւ նվաճեց բրոնզե մեդալ

23:00   28 հունիսի, 2022

Հռոմում շարունակվող հունահռոմեական ըմբշամարտի Եվրոպայի երիտասարդական առաջնությունում Հայաստանի ներկայացուցիչ Ալբերտ Վարդանյանը 130 կգ քաշային կարգում նվաճեց բրոնզե մեդալ։ Նրա մրցակիցը թուրք Տալիպ Չիֆտչին էր, որին հայ ըմբիշը հաղթեց 7։0 հաշվով։

Ալբերտ Վարդանյանը մեկնարկային գոտեմարտում 2։3 հաշվով պարտվել էր ուկրաինացի Միխայլո Վիշնեւսկիին, որը հասել է եզրափակիչ։

Ալբերտ Վարդանյանը սփոփիչ գոտեմարտում 9։0 հաշվով հաղթել էր Չեխիան ներկայացնող Արթուր Սարգսյանին եւ ստացել բրոնզե մեդալի համար պայքարելու իրավունք։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։