Մաքսիմ Մայրովիչը միացավ «Ուրարտուին»

19:36   28 հունիսի, 2022

«Ուրարտուն» պայմանագիր է կնքել 26-ամյա ռուս հարձակվող Մաքսիմ Մայրովիչի հետ, հաղորդում է երեւանյան ակումբի մամուլի ծառայությունը։ Մայրովիչը Հայաստանում առաջին անգամ հանդես է եկել 2019-ից՝ համալրելով «Նոան», որն այդ տարի դարձավ Հայաստանի գավաթակիր և փոխչեմպիոն: 2021-ի սկզբին նա տեղափոխվեց ռուսական «Ակրոն», իսկ աշնանը կրկին վերադարձավ «Նոա»:

«Նոայի» կազմում անցկացրած 69 խաղում նա խփել է 25 գոլ, կատարել 10 գոլային փոխանցում՝ դառնալով «Նոայի» պատմության լավագույն ռմբարկուն: Ֆուտբոլիստն անցած մրցաշրջանում կրկին «Նոայի» ռմբարկուն էր` 9 գոլով և 3 գոլային փոխանցումով։

«Դեռ նախորդ տարի ընտրության առաջ էի՝ մնալ Ռուսաստանում, թե գալ «Ուրարտու»։ Ես մնացի այնտեղ, ինչի համար հետագայում փոշմանեցի, իսկ այս տարի արդեն առաջարկն ստանալուց հետո երկար չմտածեցի ու տեղափոխվեցի։ Տղաները լավ ընդունեցին, մարզիչի հետ էլ աշխատելու փորձ ունեմ, այնպես որ, հույս ունեմ՝ կօգնեմ «Ուրարտուին» դառնալ առաջատար, քանի որ կարծում եմ՝ նման ենթակառուցվածներով թիմը պետք է բարձր տեղ զբաղեցնի»,- ասել է ֆուտբոլիստը «Ուրարտու» տեղափոխվելուց հետո։

Մայրովիչն «Ուրարտուում» հանդես կգա 15 համարի խաղաշապիկով։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։