«Բավարիան» բարձրացրել է Լեւանդովսկու գինը «Բարսելոնայի» հետ բանակցություններում

14:15   28 հունիսի, 2022

Գերմանիայի չեմպիոն Մյունխենի «Բավարիան» 33-ամյա լեհ հարձակվող Ռոբերտ Լեւանդովսկու տրանսֆերի համար «Բարսելոնայից» պահանջել է 60 միլիոն եվրո, թեեւ բանակցությունների սկզբում նշվել էր 40 միլիոն եվրո, հաղորդում է Sky Sport Deutschland-ը։

Մյունխենյան ակումբի ներկայացուցիչները մի քանի անգամ հայտարարել են, որ Լեւանդովսկուն սպասում են հուլիսի 12-ին՝ արձակուրդից հետո առաջին մարզմանը։ Ֆուտբոլիստը մամուլի միջոցով հայտնել էր, որ մտադիր չէ արձակուրդից հետո վերադառնալ «Բավարիա», իսկ իր ժամանակը գերմանական ակումբում համարում է ավարտված։

Անցած մրցաշրջանում Լեւանդովսկին «Բավարիայի» հետ բոլոր մրցաշարերում մասնակցել է 50 հանդիպման, խփել 46 գոլ։ Գերմանիայի ավարտված առաջնությունում Լեւանդովսկին 35 գոլով 7-րդ անգամ ճանաչվել է լավագույն ռմբարկու։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։