«Ռոման» հրաժարվել է խաղալ «Բարսելոնայի» հետ Գամպերի գավաթի խաղում

09:02   28 հունիսի, 2022

Իտալական «Ռոման» հրաժարվել է խաղալ «Բարսելոնայի» հետ կատալոնական ակումբի հիմնադիր Ժոան Գամպերի գավաթի ամենամյա խաղարկության խաղում, որը պետք է տեղի ունենա օգոստոսի 6-ին Կատալոնիայի մայրաքաղաքում, հաղորդում է Marca-ն։

Պորտուգալացի Ժոզե Մոուրինյոյի գլխավորած թիմը միակողմանի խզել է պայմանավորվածությունը, քանի որ նոր մրցաշրջանից առաջ նախապատրաստական փուլի արդյունավետության համար ընկերական հանդիպումների ծրագրի փոփոխության անհրաժեշտություն է տեսել։

Անցած տարի Ժոան Գամպերի գավաթի խաղարկության խաղում կատալոնական թիմը մրցել էր Թուրինի «Յուվենտուսի» հետ եւ հաղթել 3։0 հաշվով։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։