Ակսել Վիտսելը կարիերան կշարունակի Մադրիդի «Աթլետիկոյում»

00:54   28 հունիսի, 2022

Դորտմունդի «Բորուսիայից» հեռացած բելգիացի կիսապաշտպան Ակսել Վիտսելը կարիերան կշարունակի Մադրիդի «Աթլետիկոյում»։ Այդ մասին հայտնել է իսպանական ակումբի նախագահ Էնրիկե Սերեսոն, փոխանցում է Mundo Deportivo-ն։

«Վիտսելն արդեն մերն է։ Գործնականում ամեն ինչ պատրաստ է։ Պաշտոնական հայտարարության համար պետք է սպասել մի քանի օր»,- ասել է Սերեսոն։

33-ամյա ֆուտբոլիստն այժմ ունի ազատ գործակալի կարգավիճակ։ «Բորուսիայում» նա խաղում էր 2018 թվականից՝ 144 խաղում խփելով 13 գոլ եւ կատարելով 6 գոլային փոխանցում։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։