«Մեծ սաղավարտի» մրցաշարերի 20-ակի չեմպիոն, աշխարհի երրորդ ռակետ Նովակ Ջոկովիչը հաղթանակով մեկնարկեց Ուիմբլդոնի մրցաշարում։ Սերբ թենիսիստը մրցեց 81-րդ ռակետ, հարավկորեացի Կվոն Սոն Ուի հետ եւ առավելության հասավ 4 սեթում՝ 6։3, 3։6, 6։3, 6։4 հաշվով։ Պայքարը տեւեց 2 ժամ եւ 28 րոպե։
Երկրորդ շրջանում Նովակ Ջոկովիչի մրցակիցը կլինի ավստրալացի Տանասի Կոկինակիսի եւ լեհ Կամիլ Մայհշակի դիմակայության հաղթողը։
35-ամյա Ջոկովիչը Ուիմբլդոնի մրցաշարի 6-ակի հաղթող է։ 2021-ին եզրափակիչում նա հաղթել էր իտալացի Մատեո Բերետինիին եւ պաշտպանում է տիտղոսը։
Ուիմբլդոնի մրցաշարի մրցանակային հիմնադրամն այս տարի 40,3 միլիոն ֆունտ ստերլինգ է։
80 match-wins for @DjokerNole at #Wimbledon #CentreCourt100 pic.twitter.com/Vr7LYk5HXf
— Wimbledon (@Wimbledon) June 27, 2022
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։