Ձանյոլոն պատրաստ է «Ռոմայից» տեղափոխվել «Յուվենտուս»

18:45   27 հունիսի, 2022

Իտալիայի հավաքականի 22-ամյա կիսապաշտպան Նիկոլո Ձանյոլոն դիտարկում է «Ռոմայից» Թուրինի «Յուվենտուս» տեղափոխվելու տարբերակը, հաղորդում է Goal.com-ը։ Թուրինյան ակումբի իտալացի գլխավոր մարզիչ Մասիմիլիանո Ալեգրին հետաքրքրված է նրա ծառայություններով։ Ակումբներն արդեն սկսել են բանակցությունները։

«Յուվենտուսը» ցանկանում է առայժմ մեկ մրցաշրջանով վարձակալել Նիկոլո Ձանյոլոյին։

Անցած մրցաշրջանում իտալացի ֆուտբոլիստը պորտուգալացի Ժոզե Մոուրինյոյի գլխավորած թիմի հետ մասնակցել է 42 հանդիպման, խփել 8 գոլ, կատարել 9 գոլային փոխանցում։ Նրա պայմանագիրը հռոմեական ակումբի հետ նախատեսված է մինչեւ 2024թ․ հունիս։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։