Դմիտրի Գունկոն գլխավորեց «Ուրարտուն»

17:02   27 հունիսի, 2022

«Ուրարտուի» գլխավոր մարզիչի պաշտոնում նշանակվել է ռուսաստանցի Դմիտրի Գունկոն, հաղորդում է երեւանյան ակումբի մամուլի ծառայությունը։ Նա փոխարինել է ակումբից հեռացած Ռոբերտ Արզումանյանին։

Դմիտրի Գունկոն երկար տարիներ աշխատել է Ռուսաստանի Պրեմիեր լիգայում․ մարզել է «Խիմկին», կարիերայի մեծ մասն էլ անցկացրել է Մոսկվայի «Սպարտակի» համակարգում:

Գունկոն մարզչական գործունեությունը Հայաստանում սկսել է 2020-ից՝ գլխավորելով «Նոան»։ Ռուս մասնագետի նախորդ ակումբն «Արարատ-Արմենիան» էր, որը նա գլխավորում էր 2021 թվականի հունիսից։ Նրա գլխավորությամբ «Արարատ-Արմենիան» անցկացրել է 32 խաղ, տարել 23 հաղթանակ, գրանցել 5 ոչ ոքի և կրել 4 պարտություն:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։