Հավակնորդների մրցաշար․ Նեպոմնյաշչին ու Կարուանան դարձյալ հաղթեցին

Մադրիդում շարունակվող շախմատի աշխարհի չեմպիոնի հավակնորդների մրցաշարի 7-րդ տուրում ռուսաստանցի Յան Նեպոմնյաշչին սեւ ֆիգուրներով պարտության մատնեց հունգարացի Ռիչարդ Ռապորտին եւ 5,5 միավորով շարունակում է միանձնյա գլխավորել մրցաշարային աղյուսակը։

Նրանից կես միավոր է հետ ամերիկացի Ֆաբիանո Կարուանան, որը սպիտակներով պարտության մատնեց Թեյմուր Ռաջաբովին։ Անցած տուրում եւս Նեպոմնյաշչին ու Կարուանան հաղթանակներ էին տարել։

7-րդ տուրի մյուս 2 պարտիաներում լեհ Յան-Կշիշտոֆ Դուդան ու ամերիկացի Հիկարու Նակամուրան եւ չինացի Դին Լիրենն ու Ֆրանսիայի ներկայացուցիչ Ալիռեզա Ֆիրուջան խաղացին ոչ ոքի։

Նակամուրան 3,5 միավորով երրորդն է։ Դին Լիրենը, Ռապորտն ու Դուդան 3-ական միավորով բաժանում են 4-6-րդ տեղերը։ Ռաջաբովն ու Ֆիրուջան 2,5-ական միավորով հետնապահներն են։

The #FIDECandidates is officially the race of two players by now. In Round 7, Nepomniachtchi and Caruana won again!

Standings:
1. Nepomniachtchi - 5,5
2. Caruana - 5
3. Nakamura - 3,5
4-6. Duda, Ding, Rapport - 3
7-8. Radjabov, Firouzja - 2,5

Round 8 is tomorrow at 15:00 CEST. pic.twitter.com/gEAQjAmKa6

— International Chess Federation (@FIDE_chess) June 25, 2022