Մբապե․ Հաղթանակը Չեմպիոնների լիգայում ՊՍԺ-ի նպատակն է
10:14 25 հունիսի, 2022Ֆրանսիայի չեմպիոն ՊՍԺ-ի ֆրանսիացի հարձակվող Կիլիան Մբապեն նշել է փարիզյան ակումբի գլխավոր նպատակը հաջորդ մրցաշրջանում։
«Հաղթանակը Չեմպիոնների լիգայում ՊՍԺ-ի հստակ նպատակն է։ Անհատական նպատակը Կավանիի ռեկորդը գերազանցելն է։ Եթե շարունակեմ նույն ոգով, չկա ոչ մի պատճառ, որ կարող է խանգարել ինձ։ Անհավանական կլինի, եթե կարողանամ շրջանցել Կավանիին գոլերի քանակով ՊՍԺ-ում։
Այս ակումբը շատ կարեւոր է ինձ համար։ Ես այս նախագծի դետալներից մեկն եմ։ Ակումբն առաջին տեղում է։ Սա իմ նախագիծը չէ։ ՊՍԺ-ն եղել է ինձնից առաջ, ինձնից հետո էլ կլինի։ Պարզապես, ցանկանում եմ այս կառույցի հիմքում դնել նաեւ իմ քարը»,- Մբապեի խոսքը մեջբերում է BFMTV-ն։
Հիշեցնենք, որ այս ամռանը Մբապեին անվճար ձեռք բերելու հույս ուներ Իսպանիայի չեմպիոն եւ Չեմպիոնների լիգայի գավաթակիր Մադրիդի «Ռեալը», սակայն Մբապեն 3 տարով երկարաձգեց պայմանագիրը ՊՍԺ-ի հետ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։