«Բարսելոնան» մտադիր է վերադարձնել Սուարեսին, եթե չկարողանա գնել Լեւանդովսկուն

09:02   24 հունիսի, 2022

Իսպանիայի փոխչեմպիոն «Բարսելոնան» մտադիր է վերադարձնել Մադրիդի «Աթլետիկոյից» ազատ գործակալի կարգավիճակում հեռացած 35-ամյա ուրուգվայցի հարձակվող Լուիս Սուարեսին, եթե չկարողանա գնել Գերմանիայի չեմպիոն Մյունխենի «Բավարիայի» 33-ամյա լեհ հարձակվող Ռոբերտ Լեւանդովսկուն, հաղորդում է Sport.es-ը։

Կատալոնական ակումբը Լուիս Սուարեսին խնդրել է դեռ այլ ակումբի հետ պայմանագիր չկնքել։ Լուիս Սուարեսը «Բարսելոնայում» հանդես է եկել 2014-2020 թվականներին։ Նրա ծառայություններով հետաքրքրված են իսպանական «Սեւիլիան» ու «Վիլյառեալը», արգենտինական «Ռիվեր Փլեյթը»։

«Բավարիան» հրաժարվել է 35 միլիոն եվրոյով վաճառել Լեւանդովսկուն «Բարսելոնային»՝ պահանջելով 40 միլիոն եվրո։ Ֆուտբոլիստի պայմանագիրը գերմանական ակումբի հետ նախատեսված է մինչեւ հաջորդ մրցաշրջանի ավարտը։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։