Յուրի Ջորկաեֆ․ Այսպիսի խաղերը կարեւոր են երկրի, հասարակության, երեխաների համար

18:38   15 հունիսի, 2022

Սա մեծ պահ է, քանի որ երազել էինք խաղալ այստեղ: Այսպես Ծովագյուղում ցուցադրական խաղից հետո մեկնաբանեց ֆուտբոլի Ֆրանսիայի հավաքականի կազմում աշխարհի ու Եվրոպայի չեմպիոն, ՖԻՖԱ-ի հիմնադրամի գործադիր տնօրեն Յուրի Ջորկաեֆը:

Հունիսի 15-ին Յուրի Ջորկաեֆն ու ՖԻՖԱ-ի նախագահ Ջիանի Ինֆանտինոն իրենց թիմերի հետ Ծովագյուղում մրցեցին միմյանց դեմ, բայց հաղթողին չպարզեցին: Հանդիպումն ավարտվեց 8:8 հաշվով:

«Այսպիսի խաղերը կարեւոր են երկրի, հասարակության, երեխաների, ինչպես նաեւ Հայաստանի, ՖԻՖԱ-ի եւ ՀՖՖ-ի համար: Սա մեծ պահ է, քանի որ երազել էինք խաղալ այստեղ»,- խաղից հետո ասաց Յուրի Ջորկաեֆը:

Աշխարհահռչակ ֆուտբոլիստը ցուցադրական խաղից հետո ամենապահանջված խաղացողն էր Ծովագյուղի երեխաների կողմից, բոլորը ցանկանում էին լուսանկարվել եւ զրուցել նրա հետ:

Լեգենդների խաղին տրիբունաներից հետեւում էր նաեւ Հայաստանի նախագահ Վահագն Խաչատուրյանը, որը եկել էր երկրպագելու Հայաստանի լեգենդների հավաքականին:

Լուսինե Շահբազյան

Ֆոտո՝ Էմմա Ասատրյանի



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։