«Արարատի» գլխավոր մարզիչ․ Հնարավոր ամենաբարդ մրցակիցներից մեկն է «Շկենդիան»
17:41 14 հունիսի, 2022Երևանի «Արարատի» գլխավոր մարզիչ Արամ Ոսկանյանը մեկնաբանել է Եվրոպայի Կոնֆերենցիաների լիգայի որակավորման առաջին փուլի վիճակահանության արդյունքը։ «Արարատը» կմրցի Հյուսիսային Մակեդոնիայի «Շկենդիայի» հետ։
«Կարծում եմ՝ հնարավոր ամենաբարդ մրցակիցներից մեկն է «Շկենդիան» և առաջիկա օրերին մենք ավելի մանրամասն կուսումնասիրենք մրցակցին: Գիտենք, որ Հյուսիսային Մակեդոնիայի լավագույն ակումբներից է և ունի լավ ավանդույթներ:
Հաջորդ փուլ դուրս գալու հնարավորություններն այժմ հավասար եմ գնահատում: Հանդիպումներին կպատրաստվենք մեր մարզաբազայում: Մինչև «Շկենդիայի» դեմ խաղերը կանցկացնենք երկու ստուգողական հանդիպում և կփորձենք հնարավորինս պատրաստ ներկայանալ այս խաղերին»,- Արամ Ոսկանյանի խոսքը մեջբերում է ակումբի մամուլի ծառայությունը:
«Շկենդիայի» դեմ խաղերը տեղի կունենան հուլիսի 7-ին և հուլիսի 14-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։