Էդգար Բաբայան․ Շատ ուժեղ թիմ է Ուկրաինան, բայց մենք պատրաստ ենք

17:55   10 հունիսի, 2022

Ֆուտբոլի Հայաստանի ազգային հավաքականի կիսապաշտպան Էդգար Բաբայանը Ազգերի լիգայի երրորդ տուրում բարդ պայքար է սպասում Ուկրաինայի հետ դիմակայությունում 

«Շատ ուրախ եմ, որ դարձյալ վերադարձել եմ հավաքական: Պատրաստվում եմ, որ վաղը լավ խաղանք: Գիտենք, որ շատ ուժեղ թիմ է Ուկրաինան, բայց մենք պատրաստ ենք ու կփորձենք 3 միավոր բերել:

Ամեն խաղ դժվար է: Այս խմբում բոլոր թիմերն էլ շատ ուժեղ են ու միշտ պետք է պատրաստ լինենք, վաղն էլ կձգտենք լավ պատրաստվել եւ հաղթել: Կփորձենք մեր ֆուտբոլը խաղալ եւ հաղթել։ Հեշտ չի լինի»,- ասել է Էդգար Բաբայանը նախախաղային ասուլիսում։

Հիշեցնենք, որ 26-ամյա ֆուտբոլիստը հինգ տարի անց վերադարձել է դանիական «Ռանդերս»։ Կողմերը կնքել են երեք տարվա պայմանագիր։ Էդգար Բաբայանի նախորդ ակումբը դանիական «Վայլեն» էր։

Ազգերի լիգայի B լիգայի, առաջին խմբի երրորդ տուրի Ուկրաինա - Հայաստան հանդիպումը տեղի կունենա հունիսի 11-ին Լեհաստանի Լոձ քաղաքում եւ կմեկնարկի Երեւանի ժամանակով 17։00-ին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։