Հայաստանի հավաքականի ֆուտբոլիստը միացավ «Արարատ-Արմենիային»

20:29   9 հունիսի, 2022

«Արարատ-Արմենիա» է վերադարձել Հայաստանի հավաքականի ֆուտբոլիստ Արման Հովհաննիսյանը, հաղորդում է երեւանյան ակումբի մամուլի ծառայությունը:

Արման Հովհաննիսյանը «Արարատ-Արմենիայի» կազմում հանդես է եկել 2018/19 մրցաշրջանում՝ դառնալով Հայաստանի Բարձրագույն խմբի առաջնության չեմպիոն:

«Արարատ-Արմենիայից» բացի նա խաղացել է նաեւ ուկրաինական «Զիրկայում» ու ղազախական «Տոբոլում», որի հետ դարձել է Ղազախստանի փոխչեմպիոն:

Հովհաննիսյանը հանդես է եկել նաև Հայաստանը ներկայացնող «Փյունիկ», «Ալաշկերտ», «Շիրակ» և «Գանձասար» ֆուտբոլային ակումբներում: 2 անգամ դարձել է Հայաստանի չեմպիոն, 3 անգամ՝ Հայաստանի գավաթակիր:

Արման Հովհաննիսյանը Հայաստանի հավաքականում անցկացրել է 10 հանդիպում, ևս 7 խաղ՝ երիտասարդական ու 5 խաղ՝ Մ-19 հավաքականներում:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։