Ուիմբլդոնի մրցաշարի մրցանակային հիմնադրամը ռեկորդային կլինի

17:30   9 հունիսի, 2022

Թենիսի Ուիմբլդոնի մրցաշարի կազմակերպիչները հրապարակել են կանանց եւ տղամարդկանց մենախաղի մրցանակային գումարների չափը։

Մենախաղի չեմպիոնները կստանան 2-ական միլիոն ֆունտ ստերլինգ։ Եզրափակիչում պարտություն կրած թենիսիստները կստանան 1,05-ական միլիոն ֆունտ ստերլինգ։ Կանանց եւ տղամարդկանց մենախաղի բոլոր մասնակիցների ընդհանուր մրցանակային հիմնադրամը կկազմի մոտ 29 միլիոն ֆունտ ստերլինգ, ինչը ռեկորդային ցուցանիշ է Ուիմբլդոնի մրցաշարի պատմության մեջ, հաղորդում է Sky-ը։

Հիշեցնենք, որ Ուկրաինայում շարունակվող պատերազմի հետեւանքով Ռուսաստանի եւ Բելառուսի թենիսիստները զրկվել են Ուիմբլդոնի մրցաշարին մասնակցելու հնարավորությունից։

Ուիմբլդոնի մրցաշարը կանցկացվի հունիսի 27-ից հուլիսի 10-ը։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։