Արտակ Գրիգորյան․ Հույս ունենք, որ բարձր տրամադրությամբ կհեռանանք Գլազգոյից
21:13 7 հունիսի, 2022Ֆուտբոլի Հայաստանի ազգային հավաքականի կիսապաշտպան Արտակ Գրիգորյանը Շոտլանդիայի հավաքականի դեմ Ազգերի Լիգայի B լիգայի առաջին խմբի երկրորդ տուրի հանդիպման նախախաղային ասուլիսում հույս է հայտնել, որ դրական արդյունքի կհասնեն Գլազգոյում։
«Վաղը մեզ դժվար հանդիպում է սպասվում։ Դիտել ենք Շոտլանդիայի հանդիպումը Ուկրաինայի հետ։ Մենք էլ հաղթել ենք Իռլանդիային։ Ակնկալում ենք շատ լավ հանդիպում։ Հույս ունենք, որ բարձր տրամադրությամբ կհեռանանք Գլազգոյից։
Մեր թիմը կայունացման եւ երիտասարդացման փուլում է։ Հույս ունենք, որ առաջընթաց կլինի եւ ավելի լավ ֆուտբոլ կխաղանք եւ կուրախացնենք մեր ազգին։
Արդեն երեք անգամ խաղացել եմ շոտլանդական թիմերի դեմ ակումբային խաղերում»,- նշեց Արտակ Գրիգորյանը։
Շոտլանդիա - Հայաստան հանդիպումը տեղի կունենա հունիսի 8-ին եւ կմեկնարկի Երեւանի ժամանակով 22։45-ին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։